ಎಲ್ಲಿ ಕಳೆದಿರುವೆ ಇತಿಹಾಸ ?

ಎಲ್ಲಿ ಕಳೆದಿರುವೆ ಇತಿಹಾಸ ?

ಕಾಲ ಚಕ್ರದ ಜೊತೆ ತಿರುಗಿ , ಭೂ ಒಡಲ  ಸೇರಿ 

ಸುಟ್ಟು  ಕಾರಕಲಾಗಿರುವ , ಪಳಿಯುಳಿಕೆಗಳಲ್ಲೋ ?

ಸಮುದ್ರಗಳ  ಘೋರ ದುರಂತಗಳಲ್ಲಿ ಮಡಿದ , ಜೀವಿಗಳ

ಎಲುಬುಗಳಿಂದಾದ  ಡೊವರ್ ನಂತಹಾ  ಬಿಳಿ ಬೆಟ್ಟಗಳಲ್ಲೋ ?

ಮರುಭೂಮಿಯ ನಿರಂತರತೆಯಲಿ  ನಿಂತ, ನೂರಾರು 

ಅಡಿ ಎತ್ತರಕ್ಕೆ ಚಾಚಿದ ನಿಗೂಢ ಪಿರಾಮಿಡ್ಡುಗಳಲ್ಲೋ?

ಮಹಾ ಸಾಗರದಡಿಯಲ್ಲಿ ಮೈಲುಗಟ್ಟಲೇ ಚಾಚಿರುವ 

ರಾಮಸೇತುವಿನಲ್ಲೋ ? ಎಲ್ಲಿ ಕಳೆದಿರುವೆ ಇತಿಹಾಸ ? 

ಐಸಿಸ್ ಉಗ್ರರ ಧಾಳಿಗೆ ಬಲಿಯಾದ , 

ಪಾಲ್ಮೀರಾ ದಂತಹ , ಐತಿಹಾಸಿಕ ನಗರಗಳಲ್ಲೋ ?

ಧಾಳಿಕೋರ ಪರ್ಷಿಯನ್ನರ ಕೆಂಗಣ್ಣಿಗೆ ಮುರಿದುಬಿದ್ದ ,

 ದೇವಾಲಯಗಳ   ಅವಶೇಷಗಳಲ್ಲೋ ?

ಈರ್ಷೆಗೆ ಬಲಿಯಾಗಿ , ಸುಟ್ಟು ಕರಕಲಾದ , ಪುರಾತನ 

ಗ್ರಂಥಗಳ , ಕಪ್ಪು  ಮೋಡಗಳಲ್ಲೋ ?

ಆಂಗ್ಲರು ದೋಚಿದ , ಅಮೂಲ್ಯ ರತ್ನ ಆಭರಣಗಳು  

ಅಡಗಿಸಿರುವ  ತಿಜೋರಿಗಳಲ್ಲೋ ? ಎಲ್ಲಿ ಕಳೆದಿರುವೇ ಇತಿಹಾಸ ? 

ಆಕ್ರಮಣಕಾರರ ರಾಜಕೀಯ ದಬ್ಬಾಳಿಕೆಯಲಿ ಮರೆಯಾದ 

ಸಮಾರಿಯನ್ ನಂತಹ ಭಾಷೆಗಳಲ್ಲೋ?  

ಗುಳೆಯೆದ್ದ ಜನಾಂಗಗಳ , ಬದುಕಿನಲಿ   

ಕಳೆದೋದ , ಸುಂದರ ಜಾನಪದ ಕಲೆಗಳಲ್ಲೋ ?

ತನ್ನ ಭಾಷೆ , ಸಂಸ್ಕೃತಿಗೆ ಕಿಂಚಿತ್ತೂ 

ಪ್ರೀತಿತೋರದ , ಕಲಿತ ಮೂರ್ಖರಲ್ಲೋ ? 

ಸಮನ್ವತೆಯ ಹೆಸರಿನಲ್ಲಿ , ಸತ್ಯ ತಿರುಚಿರುವ  

ಮಕ್ಕಳ ಪಠ್ಯ ಪುಸ್ತಕಗಳಲ್ಲೋ? ಎಲ್ಲಿ ಕಳೆದಿರುವೆ ಇತಿಹಾಸ ?

ಓಟಿಗಾಗಿ , ನೋಟಿಗಾಗಿ , ಅಪಪ್ರಚಾರಿಸುವ  

ರಾಜಕಾರಣಿಗಳ ಭಾಷಣಗಳಲ್ಲೋ 

ಟಿ ಆರ್ ಪಿ ಗಾಗಿ , ತಮ್ಮ ವೃತ್ತಿಯನ್ನೇ ಮಾರಿಕೊಳ್ಳುವ 

ಪತ್ರಕರ್ತರ ಬಿಸಿ ಬಿಸಿ  ಸುದ್ದಿಗಳಲ್ಲೋ 

ಜಗತ್ತಿನ ಕಣ್ಗೆ ಮಂಕುಬೂದಿ ಯರಚುವ 

ಸಾಮಾಜಿಕ ತಾಣಗಳ  ಕಪಟ  ಪೋಸ್ಟ್ಗಳಲ್ಲೋ 

ಇತಿಹಾಸದ ಪೆರ್ಮೆಯರಿಯದ ,  ಹೆಡ್ಡ ,

ಯುವಜನಾಂಗದ ಧೋರಣೆಗಳಲ್ಲೂ 

ಎಲ್ಲಿ ಕಳೆದಿರುವೆ ಇತಿಹಾಸ ?

ನಿನ್ನ ಕಂಡವರಾರೂ ಇಲ್ಲದಿರುವಾಗ 

ಇರುವವರು ನಿನ್ನ ಬಣ್ಣ ಬದಲಿಸುತ್ತಿರುವಾಗ 

ಹಾಡು ಹಗಲೇ , ನಿನ್ನ ಬೆತ್ತಲು ಮಾಡಿ , 

ಮಾನಭಂಗ ನಡೆಸುತ್ತಿರುವಾಗ 

ಹುದುಗದೇ , ಅಡಗಡೆ , ಓಡಿಹೋಗದೇ 

ಮತ್ತೇನು ಮಾಡುವೆ ನೀನಾದರೂ 

ಕೇಳೆನು ನಾ ನಿನ್ನ ಮತ್ತೊಮ್ಮೆ 

ನೀನೇಕೆ ಕಳೆದಿರುವೆ , ಎಲ್ಲಿ ಕಳೆದಿರುವೆ ಎಂದು .